Bikol NgunianGadan ang sarong lalaki matapos suminalpok ang minamanehong motorsiklo sa sarong truck sa Purok 2 Barangay Aroroy, Juban, Sorsogon bandang alas 3:48 nin hapon kaining Agosto 20, 2023.
Sigon sa report, hali sa swimming sa Barangay Añog, Juban ang biktimang nabistong si John Andrei Lagardo Surbano, 19-anyos, residente kan Purok 6 Barangay Balogo, East District, Sorsogon City kan pinirit kaining imaneho an nasabing motorsiklo. Dai na ini napugulan kan saiyang mga kaibahan hanggang sa dai inaasahan nakabangga ini sa paabot na truck.
Nagsapo nin matinding tama sa payo ang biktima na naging dahilan kan saiyang pagkagadan.
Sa ngunian, nasa kustodiya na kan awtoridad ang mga sasakyan na sangkot sa aksidente para sa kaukulang disposisyon.
Mga litrato hali kay Brgy. Kgwd. Ruel Ducay
