‘LALAKI, ARESTADO MATAPOS MAGBENTA NIN DAI LISENSYADONG BADIL ASIN BALA SA DAET, CAMARINES NORTE’

Kalaboso ang sarong lalaki sa ikinasang operasyon kan awtoridad sa Purok 7, Brgy. Alawihao, Daet, Camarines Norte kansuudmang alas 3:15 nin aga, Agosto 14, 2023.
Binisto ang suspek na si alyas “Dante”, 51 anyos, binata, caretaker asin residente kan Purok 7, Brgy. Alawihao, Daet, Camarines Norte.

Nadakop ang suspek sa bisa kan warrant of arrest para sa paglabag sa kasong Republic Act 10591 o o Comprehensive Firearms and Ammunition Regulation Act na ipinalabas ni Hon. Judge Evan D. Dizon, Executive Judge, Regional Trial Court, Branch 40, Daet, Camarines Norte kan Agosto 10, 2023.

Nakua sa operasyon ang sarong kalibre .9mm pistol, 20 bala sa parehas na badil asin pitong bala nin kalibre .45 pistol.

Nasa Daet MPS ngunian ang suspek na nakakulong para sa kaukulang disposisyon.

Litrato hali sa CNPPO.