Bikol NgunianNagpuon nang magsagibo nin Voters Education Program ang Commission on Elections (COMELEC) – San Andres sa Brgy. Hilawan asin Brgy. Mayngaway, San Andres, Catanduanes.
Katuwang kan ahensya ang San Andres Municipal Police Station (MPS) sa layunin na matawan nin tamang impormasyon ang mga residente na may hangarin na magdalagan sa maabot na Barangay asin Sangguniang Kabataan (SK) Election 2023.
Kabali sa tinalakay sa nasabing programa ang tamang paglaag nin kaukulang impormasyon sa “Certificate of Candidacy” para maiwasan ang aberya sa pagpasa kaini asin maging mabilis ang proseso sa tanggapan kan COMELEC.
Ipinaliwanag man igdi ang kahalagahan kan presensya kan mga pulis, kabali na igdi ang pagsagibo nin “threat assessment” sa kada kandidato para masigurong tahimik na maisagibo ang eleksyon.
Nakatakdang magpadagos ang programa sa mga masunod pang aldaw hanggang maubos ang mga natatada pang barangay sa banwaan kan San Andres.
Litrato hali sa San Andres MPS.
