Bikol NgunianPinayagan nang makauruli sa saindang mga harong ang 2,000 pamilyang kabali sa Mayon evacuees sa lalawigan ng Albay kasunod kan pagbaba nin mga naitatalang aktibidad kan PHIVOLCS sa bulkang Mayon.
Sigon kay Albay Public Safety and Emergency Management Office (APSEMO) Officer in Charge Eugene Escobar, ang mga bakwit hali pa sa mga banwaan nin Daraga, Guinobatan, asin Sto. Domingo na apat na bulan nang nananatili sa mga evacuation center sa lalawigan dahil sa kalamidad.
Sa ngunyan, nasa labing 3,000 pang pamilya ang nananatili sa mga evacuation center sa mga siyudad kan Tabaco City, Ligao asin banwaan kan Camalig asin Malilipot dahil ang mga ini mga residenteng nasa laog kan 6 km Permanent Danger Zone (PDZ).
Padagos man giraray ang ginigibong monitoring kan mga awtoridad asin nananatili man sindang alerto sa anumang sakuna.
Photo Courtesy: Michell Barren
